教育王國
標題: 升小5暑假有什麼要準備 [打印本頁]
作者: kkv408 時間: 17-7-16 21:56 標題: 升小5暑假有什麼要準備
呀仔9月升小5,屬band 1學生,想問呢個暑假應該有什麼要準備? 因為近排工作忙,冇幫佢準備什麼暑期班,現在要計劃如何安排,如果大家識解答,盡量幫忙答,我乜都唔知,又冇時間準備,好迷惘。
1. 父母和小朋友要有什麼準備功夫?
2. 有需要上出面坊間既面試班嗎(呀仔唔多出聲,是否要上)?
3. 聽聞有媽媽會邀請心儀中學學生教小朋友面試技巧,可惜唔知點入手,有冇媽媽教下我?
4. 是否一定要參加比賽拿獎狀?
5. 要否考公開試? 例如 cambridge,GAPSK 普通話試,或朗誦?

作者: SingMom 時間: 17-7-16 22:06
kkv408 發表於 17-7-16 21:56 
呀仔9月升小5,屬band 1學生,想問呢個暑假應該有什麼要準備? 因為近排工作忙,冇幫佢準備什麼暑期班,現在 ...
咁怏就知屬band 1生, 利害 ! 利害 ! 
作者: kkv408 時間: 17-7-16 22:25
SingMom 發表於 17-7-16 22:06 
咁怏就知屬band 1生, 利害 ! 利害 !
係老師家長日時推算出來,老師因應佢4年級整年既考試,話佢一定係揀band 1中學,至於最終band 1A/ 1B/ 1C,就要睇佢造化。

作者: SingMom 時間: 17-7-16 22:48
kkv408 發表於 17-7-16 22:25 
係老師家長日時推算出來,老師因應佢4年級整年既考試,話佢一定係揀band 1中學,至於最終band 1A/ 1B/ 1C ...
小四成績不能作準. 何況到呈分試時就會有好多卧虎藏龍出現
作者: little_yolky 時間: 17-7-17 17:47
kkv408 發表於 17-7-16 22:25 
係老師家長日時推算出來,老師因應佢4年級整年既考試,話佢一定係揀band 1中學,至於最終band 1A/ 1B/ 1C ...
我完全唔會理小四班主任既說話, 因為佢可能唔係教開升中班, 其實唔係咁清楚。家長日, 佢都話我阿女一定係B1個pool入面, 我問多兩句, 佢就現形了, 升中D嘢, 我仲熟過佢, 佢連學校個情況都未掌握好。
至於你列舉既嘢, 如果你一直無乜專長, 實在唔駛再花時間响奬狀比賽上了, 努力成績吧, 我哋比賽既, 都係由幼稚園或小一開始學的, 都唔係一朝一夕既事。
至於考D乜嘢, 都係考好個呈分最重要, 如果阿仔主科有邊科特別弱, 先响暑假KO咗佢先, 五月一開學就嚟料了, 因為你都遲咗D, 有D中學自行要睇埋小四成績, 不過有部份只睇小五、六。
總之, 呈分最緊要成績好, 中英數常音樂視藝, 了解下學校仲有無呈其他科(我哋呈埋聖經的), 叫小朋友努力, 最緊要心理質素夠, 因為係要打兩年既持久戰。
至於你自己, 就要開始了解下有咩學校心儀, 咪下網頁, mark底開放日同小朋友一齊參觀一下, 唔可以等小六架, 會撞期去唔到咁多架。一般中學開放日或簡介都係年尾揀自行前。
作者: kkv408 時間: 17-7-17 18:49
SingMom 發表於 17-7-16 22:48 
小四成績不能作準. 何況到呈分試時就會有好多卧虎藏龍出現
原來唔可以作準ga(emoji),咁真係要再加倍努力先,謝謝

作者: kkv408 時間: 17-7-17 18:53
little_yolky 發表於 17-7-17 17:47 
我完全唔會理小四班主任既說話, 因為佢可能唔係教開升中班, 其實唔係咁清楚。家長日, 佢都話我阿女一定係B1 ...
死la,原來我已經遲左,咁我專攻呈分試。
另外,想問面試班重要嗎?諗緊報唔報? 因為都貴,所以一直考慮是否要報面試班?

作者: little_yolky 時間: 17-7-18 10:40
kkv408 發表於 17-7-17 18:53 
死la,原來我已經遲左,咁我專攻呈分試。
另外,想問面試班重要嗎?諗緊報唔報? 因為都貴,所以一直考慮是 ...
我無諗住報, 因為面試佢係死定, 都唔能夠一時三刻改善到, 所以諗住專攻成績先。
睇多D新聞, 留意時事, 同佢討論多D, 可能有幫助。
作者: mch411 時間: 17-7-18 11:32
kkv408 發表於 17-7-17 18:49 
原來唔可以作準ga(emoji),咁真係要再加倍努力先,謝謝
又唔一定既, 如果係最TOP果浸, 點跌都有個譜, 先KEEP住唔好跌先, 唔好比壓力小朋友,
暑假比小朋友同自己放鬆下
作者: 妹妹頭 時間: 17-7-18 12:03
回覆 kkv408 的帖子
小女岩岩呈一, 我可以同你講, 有同學本來一直都考前20名 (我校來講係40名內係B1), 呈一好多人成績突然大躍進, 果位同學可以呈一跌15名, 考35, 已臨近邊緣人, 又有邊個估到丫
作者: tiads 時間: 17-7-18 14:45
開始呈分後,會好多卧虎藏龍嘅學生出現
作者: BBKDWLAM 時間: 17-7-18 15:52 標題: 回覆樓主:
個人經驗,大部份學生成績同3-4年級相若。在死背的科目(常識),部份學生可能可以大躍進;但係語文上(中英),始終要時間慢慢浸的,好難突然脫胎換骨。

作者: 王家爸爸 時間: 17-7-18 16:07
SingMom 發表於 17-7-16 22:48 
小四成績不能作準. 何況到呈分試時就會有好多卧虎藏龍出現
呈分試時真係會有好多卧虎藏龍出現,原因係好多男仔都係呈分試前後先開始醒,早醒既就係虎與龍,遲醒既就繼續做貓與蛇。只要有幾隻虎與龍,足夠影響大部分同學既排名。
作者: 王家爸爸 時間: 17-7-18 16:23
BBKDWLAM 發表於 17-7-18 15:52 
個人經驗,大部份學生成績同3-4年級相若。在死背的科目(常識),部份學生可能可以大躍進;但係語文上(中英) ...
語文科突然脫胎換骨既機會唔比數學、常識細。
我一般建議我啲朋友係低年級時,唔好谷小朋友,只係叫小朋友多睇課外書,所以佢哋既小朋友基礎都比較好,但係想法未必符合老師心水,成績係平時未必反映到出來。但係喺呈分時搵返啲前一、兩年既卷操下,教下啲答題技巧,開始谷小朋友,因為小朋友基礎比較好,所以一谷就上。
反而如果數學基礎好,即使唔谷小朋友,平時成績一般都會反映到出來,原因係數學識就一定高分。
常識比較難死背,問你排國家領導人、外國元首等,如果平時無留意新聞,家長都未必識回答。
作者: tiads 時間: 17-7-18 16:35
本帖最後由 tiads 於 17-7-18 16:45 編輯
而有D學生又會知道要呈分,壓力大咗而影響成績...
小五,小六完全係一個分水嶺,
所以要好留意小朋友嘅情緒,
呈分到中一派位,小朋友最辛苦係壓力,而家長最辛苦係精神上,你可以留意下想入嘅中學升中日,帶小朋友一齊去聽及參觀,
俾小朋友多一份想入嘅決心.
作者: BBKDWLAM 時間: 17-7-18 18:33
王家爸爸 發表於 17-7-18 16:23 
語文科突然脫胎換骨既機會唔比數學、常識細。
我一般建議我啲朋友係低年級時,唔好谷小朋友,只係叫 ...
現實又有幾多人中英文底子厚但中英文成績一直唔好,無反映出嚟,要等五六年級先嚟脫胎換骨呀!
常識科要考課外的範圍通常唔夠十分,單靠課外常識去考常識,相信大人都唔會合格,唔背就真係要主祝福先得!

歡迎光臨 教育王國 (/) |
Powered by Discuz! X1.5 |